Во сараевската населба Бињежево дошло до експлозија и пожар во семејна куќа, при што загинал  човек (27).

Како што дознава порталот „Аваз“, во моментот на експлозијата во куќата имало тричлено семејство.

Мајката и таткото се повредени, додека нивниот син загина.

Од силината на експлозијата телото на момчето завршило во гаражата од куќата.

Сосед кој бил сведок на настанот рекол дека жената која била во куќата во моментот на експлозијата била во шок.

„Успеале да ја извлечат, а човекот од експлозијата бил исфрлен на улица. Целиот изгорел. Брза помош го однела, но тој е свесен. Жената е на инфузии. Нивниот син беше заглавен во куќата“, рече таа.