Пretsedatelot на словенечкиот парламент, Зоран Стевановиќ, предложи одржување референдум за членството на Словенија во НАТО, наведувајќи дека тој би можел да се организира истовремено со локалните избори закажани за 15 ноември.
Во видео порака објавена на официјалниот профил на партијата на социјалната мрежа Икс, Стевановиќ рече дека, поради високите трошоци, на тој ден би можел да се одржи „мега референдум“ покрај најавените референдуми за разгледување на членството на земјата во Алијансата.
Во исто време, тој изрази противење на испраќањето финансиска помош за Украина, откако премиерот Јанез Јанша на самитот на НАТО во Анкара објави дека Словенија ќе издвои 50 милиони долари, или околу 44 милиони евра, за воена помош за Киев оваа година како дел од иницијативата PURL, објавија регионалните медиуми.
Kaj pravite na to idejo?
Moč ljudem! ✊ pic.twitter.com/TpXUZZ6sMi— Resni.ca (@resni_ca) July 9, 2026
„Овие 44 милиони се многу попотребни на Словенија во овој момент. Ако се стремиме кон мир, нешто мора да се промени“, рече Стевановиќ, додавајќи дека војната во Украина сè уште трае и покрај досегашната помош.
Неговите изјави доаѓаат по самитот на НАТО на кој лидерите на земјите-членки разговараа за поддршка на Украина и зголемување на трошоците за одбрана на пет проценти од БДП до 2035 година.
Министерот за надворешни и европски работи на Словенија, Тоне Кајзер, рече дека НАТО е основа на безбедноста на земјата, додека партијата на Социјалдемократите (СД) го оцени предлогот на Стевановиќ како обид за одвлекување на вниманието. „Ресница“ на Стевановиќ се залага за излез на земјата од НАТО, пишуваат медиумите.
