Земјотрес со јачина од 2,2 степени според Рихтеровата скала го погоди Лесковац вчера вечерта.

Како што соопшти Републичкиот сеизмолошки завод на Србија, епицентарот бил на длабочина од 12 километри.

Земјотресот се случил околу 19 часот и 40 минути, а епицентарот бил Сува планина.

Тоа е трет земјотрес регистриран на територијата на градот Лесковац за осум дена.

Првиот земјотрес во Лесковац беше регистриран на 9 јануари со јачина од 2,1 степени според Рихтеровата скала, а на 13 јануари следеше вториот земјотрес од 1,9 степени.

Земјотресите во тој опсег според Рихтеровата скала се сметаат за поблаги земјотреси кои можат да ги потресат зградите, но не се очекуваат материјални штети и поголеми разурнувања.