Полицијата на Сплит доцна синоќа уапсила две тинејџерки кои удирале шамари и тепале трета, што може да се види и на снимките што синоќа се раширија на социјалните мрежи, јавува Слободна Далмација.

На снимките може да се види како најмалку две помлади жени ја тераат девојката да клекне на подот и ја навредуваат, тепаат и понижуваат. Едната девојка и удира шлаканица на девојка која клечи, а кон крајот на видеото ѝ приоѓа другата девојка одзади и ја клоца, при што жртвата паѓа и со лицето удира на земја, пренесуваат хрватските медиуми.

Нападот се случил во центарот на градот Сплит.

Како одговор на барањето на хрватски Индекс, полициската управа Сплит-Далмација соопшти дека е запознаена со содржината на снимките.

„Веднаш по сознанието за настанот е поведена кривична истрага“, се вели во полицискиот одговор за хрватски Индекс.

Потрагата по насилниците не траела долго и двете девојки биле уапсени околу 22 часот.