Како 10.000 негови сонародници, тој дошол во Хрватска да го пополни недостатокот на работна сила и да си обезбеди месечна плата за себе

Филипинецот Џереми Џ.Г. (26) е професионален готвач кој, како и 10.000 негови сонародници, дошол во Хрватска за да го пополни недостигот од работна сила и да си обезбеди месечна плата. Но, покрај легалната работа во Загреб, каде што се вработил, решил да обезбеди дополнителен приход со криумчарење илегални мигранти, пишува „Јутарњи“.

Ова е еден од ретките случаи ког некои од легалните работници од далечните земји во Хрватска решиле да криумчарат мигранти, но само потврдува колку е активна и капиларна мрежата за криумчарење во таа земја. Лани на хрватските патишта биле уапсени 1.880 шверцери на луѓе, што е двојно повеќе во однос на претходната година. Во тоа „друштво“ е само секој трет граѓанин на Република Хрватска, додека останатите се странци.

Џереми бил фатен на 1 септември минатата година околу 21 часот и 30 минути во Боричевац, во реонот на општина Доњи Лапац, каде со шкода октавија со загрепски ознаки превезувал тројца Кинези и еден Пакистанец, кои немале документи и влегле во Република Хрватска илегално од Босна и Херцеговина. За тоа требало да добие 700 евра.

Тој е уапсен, а во меѓувреме против него е поднесен обвинителен акт.

На сослушувањето тој се покајал и ветил дека никогаш повеќе нема да го направи тоа. Тврди дека не бил свесен дека се занимава со нешто незаконско. Тој вели дека работата за превоз на луѓе му ја договорил пријателот Лука, кој му дал контакт на лице од Босна, а тоа лице му ја испратило локацијата каде што ги земал луѓето.

– Не знаев дека се работи за илегални мигранти, иако бев збунет кога излегоа од шумата до локацијата. Но, не обрнав премногу внимание на тоа, ме интересираше само да заработам, требаше да добијам кеш во Загреб за завршен превоз. Направив голема грешка што му дозволив на мојот пријател да ми зборува на вакво нешто – се правда Филипинецот.

Следува неговото судење.