Косовскиот премиер Албин Курти на платформата Х повторно проговори за нападите врз косовската полиција што се случија во неделата. Курти нагласи дека Србија треба да сноси целосна одговорност за нападите врз косовската полиција на северот на земјата.
„Ова воено оружје и опрема, заробени во антитерористичката операција на косовската полиција по нападот во неделата, не остава простор за сомнеж: сторителите на злосторството не дејствувале сами, туку со поддршка од државата“, вели Курти и додава: „Србија мора да биде целосно одговорна за помагање на терористичкото насилство на територијата на Република Косово“, напиша тој.
These military-grade arms & equipment—seized in @Kosovo_Police‘s anti-terror operation after yesterday’s attack—leave no room for doubt: The perpetrators acted not alone but w/ state backing. Serbia must be held fully accountable for sponsoring terrorist violence on 🇽🇰 territory. pic.twitter.com/hbFHiV1rMe
— Albin Kurti (@albinkurti) September 25, 2023
Курти објави список со целото оружје што е запленето на северот, како и неколку слики од него. Да потсетиме, полицаецот Африм Буњаку беше убиен во нападите врз косовската полиција на северот од земјата во неделата. Во нападите се ранети уште тројца полицајци, од кои едниот со огнено оружје.
Во нападот врз косовската полиција настрадаа тројца Срби.
