Командантот на КФОР, Ангело Микеле Ристуќа, изјави дека ситуацијата на Косово се уште е „многу нестабилна“ и покрај фактот што безбедносните тензии се смириле по ескалацијата на насилството во мај.

Тој оцени дека тензиите меѓу Србите и Албанците се високи поради политичките разлики, пренесува Ројтерс.

„Ситуацијата е мирна по настаните од 29 мај. Но, на некој начин, ситуацијата се уште е многу нестабилна. Согледуваме тензија поради многу нерешени прашања“, изјави Ристуќа за новинарите во седиштето на НАТО во Брисел.