Човекот кој денеска се поли со бензин и се запали пред Бански двори во Загреб живее во Копривница, пренесуваат локалните медиуми.

Бил вработен во Хрватски железници и отишол во пензија.

Оние кои го познаваат велат дека досега не покажувал никакви знаци во своето однесување дека би направил такво нешто.

„Секогаш беше расположен, се шегуваше и навистина е тешко да се замисли дека ќе се реши на такво нешто. Знам само дека неодамна имаше сериозна операција на стомакот“, изјавил поранешен колега на човекот.

Според написите, лекарите изјавија дека мажот се бори за живот бидејќи речиси целото тело му изгорело.

Докторка која била на местото на настанот, изјавила дека станува збор за маж кој бил коцкар, а кој минатата година го пријавила жената.

„Значи, ментално видно расеан“, додала таа, пренесува „Дневник.хр“.

Очевидец, кој бил веднаш до човекот кој се самозапалил, за „Подравски лист“ раскажал што видел.

„Бев буквално на три метри од него и прво помислив дека се снима филм. Кога сфатив што се случува, го зедов апаратот за гаснење пожар и почнав да го гасам. Страшните сцени се уште ми се во главата”, рекол тој.