Претседателот на Соединетите Американски Држави, Доналд Трамп, денес посочи дека потпретседателот Џ.Д. Венс би можел да биде неговиот најверојатен наследник за претседател во 2028 година.

„Мислам дека тоа е најверојатно“, им рече Трамп на новинарите кога беше прашан за неговиот можен политички наследник, објави „Ројтерс“.

Трамп, исто така, предложи Венс и државниот секретар Марко Рубио да ги здружат силите за идниот републикански кандидат.

Како што истакна „Ројтерс“, ова е прв пат Трамп отворено да го поддржи Венс како можен кандидат.

Во февруари, тој рече дека Венс е многу способен, но дека е прерано да се утврди кој ќе биде кандидат.