Францускиот министер за надворешни работи, Жан-Ноел Баро, изјави дека неговата земја испраќа четири авиони со 10 тони хуманитарна помош за Газа од Јордан.

„Ова е итна помош, но сè уште не е доволна со оглед на оваа ‘ужасна’ ситуација“, изјави Баро за „Франсинфо“, пренесе Ројтерс.

Иницијативата „Глобален набљудувач на гладот“ во вторникот соопшти дека во Појасот Газа се одвива „сценарио на глад“, со зголемена неухранетост, деца под пет години кои умираат од последици од глад и дека пристапот до хуманитарна помош е сериозно ограничен.