Приведен маж од гостиварско, управувал возило со брзина од 157 километри на час на место каде е дозволено 80 километри на час.

Според информациите на МВР, вчера во 15.50 часот на патот Гостивар- Тетово полициски службеници го уапсиле Б.Ш.(52) од с.Топлица, гостиварско.

При контрола на патниот сообраќај, било констатирано дека Б.Ш. управувал патничко моторно возило „голф“ со гостиварски регистерски ознаки со брзина од 157 километри на час на место каде што максималната дозволена брзина е 80 километри на час.

Против него ќе биде поднесена кривична пријава по член 297а од Кривичниот законик – „безобѕирно управување со моторно возило“.