Францускиот претседател Емануел Макрон изјави дека Украина треба да биде „реална“ кога станува збор за територијални прашања во какви било идни преговори за ставање крај на војната со Русија. „Украинците мора да водат реални разговори за територијални прашања“, рече Макрон на средбата со француските амбасадори.

Киев одамна јавно кажа дека има намера да ја врати целата територија што Русија ја зазеде низ годините. „Нема да има брзо или лесно решение во Украина“, рече Макрон.

САД треба да им помогнат на Европејците да ја убедат Русија да дојде на преговарачка маса, додаде тој. Новоизбраниот американски претседател Доналд Трамп, кој ја презема функцијата на 20 јануари, изјави дека сака што побрзо да стави крај на руската војна во Украина.