Русија треба да стане светски лидер во однос на опсегот на примена на вештачката интелигенција во сите сфери на животот, изјави денеска рускиот претседател Владимир Путин.

„Русија мора да стане светски лидер не само во создавањето, туку и во однос на опсегот на примена и навлегувањето на вештачката интелигенција во сите сфери на нашиот живот без исклучок“, рече рускиот лидер на пленарната сесија на меѓународната конференција АИ „Патување во светот на вештачката интелигенција“ во седиштето на Сбербанк во Москва.

Како што истакна, ограничувањата наметнати на руската економија ги поттикнуваат домашните компании да најдат нови решенија и „тоа го прават“.