Германското снабдување на Украина со ракети Таурус нема да го промени текот на војната, но во голема мера ќе го зголеми ризикот конфликтот да премине „во најопасната фаза“, изјави денеска заменик-претседателот на Советот за безбедност на Русија Дмитриј Медведев.

Тој посочи дека „ултиматумот“ на германскиот кандидат за канцелар Фридрих Мерц до Русија да стави крај на војната, или Берлин да испрати ракети Таурус во Киев, е предизборна стратегија што не може да го промени текот на војната, пренесува ТАСС.

„Испораката (ракети) е само начин да се продолжи агонијата на (украинскиот) режим“. Но, ризикот од ескалација на конфликтот до најопасната фаза е значително зголемен со нападите со крстосувачки ракети. На ова предупреди и нашиот претседател“, рече Медведев.