Најмалку едно лице загина, а 12 се повредени во руските напади во текот на ноќта низ Украина, изјави денеска украинскиот министер за внатрешни работи Игор Клименко.

Килменко на Телеграм напиша дека една жена е убиена во руски напад во областа Одеса, а меѓу ранетите има и две деца, едното во Киев, а другото во Запорожје.

Во рускиот напад на Запорожје беа повредени осум лица, меѓу кои и едно 14-годишно момче.