Кејт Мидлтон вчера во попладневните часови објави дека завршила со хемотерапија, а потегот на Меган Маркл и принцот Хари после тоа разлути многумина.
Само неколку часа по објавата на Кејт, Нетфликс објави нов документарен филм за Меган Маркл и принцот Хари. Двојката потпиша договор вреден 100 милиони долари со сервисот за стриминг во 2020 година, а сега се објавени фотографиите од новата документарна серија наречена POLO.
Како и со документарниот филм Хари и Меган, зад серијата POLO стои нивната продуцентска куќа Archewell Production.
POLO is a new documentary series that follows elite global players and offers an exclusive, behind-the-scenes look at the fast-paced world of the sport.
From Archewell Productions and Boardwalk Pictures, premiering this December only on Netflix. pic.twitter.com/R1uUnXsf0v
— Netflix UK & Ireland (@NetflixUK) September 9, 2024
„POLO е нова документарна серија која ги следи елитните светски играчи и нуди ексклузивен поглед зад сцената на брзиот свет на спортот. Од Archewell Productions и Boardwalk Pictures, премиерно овој декември само на Netflix“, се вели во официјалното соопштение.
Од коментарите под објавата, јасно е дека многумина им замеруваат на парот и на Нетфликс што го објавија ова набргу откако Кејт објави вест за нејзиното здравје.
„Објавете го ова токму кога Кејт објави видео за нејзиното завршување со хемотерапијата. Нетфликс е очаен, исто како и кралското семејство од Тему“, „Какви се шансите ова да биде објавено веднаш по прекрасното видео на Кејт? Никогаш не се срамите, толку сте предвидливи“, „Одвратно е тоа што го направивте, немате сочувство“, „Дали Арчевел инсистираше да ја дадете оваа бесмислена објава три месеци порано, бидејќи принцезата од Велс ја сподели својата вест порано?“, се некои од коментарите.
Принцезата од Велс објави дека завршила со хемотерапија.
View this post on Instagram
„Како што летото се приближува кон крајот, не можам да ви кажам колку ми олесна што конечно завршив со хемотерапија. Последните девет месеци беа неверојатно тешки за нас како семејство. Животот каков што знаете може да се смени за миг и моравме да најдеме начин да ги пребродиме бурните води и непознатата патека“, објави таа на Инстаграм.
Во емотивното видео кое таа го објави се појавува целото семејство. Видеото е направено во Норфолк, каде семејството поминало дел од летото. Во триминутното видео, Кејт си игра со принцот Џорџ, принцезата Шарлот и принцот Луис. Во еден момент може да се види како лежи прегрната со принцот Вилијам на ќебе.
