Американскиот потпретседател и кандидат на демократите Камала Харис собра 361 милион долари од речиси три милиони донатори во август.

Тоа е повеќе од двојно од сумата што ја пријави кампањата на нејзиниот противкандидат, републиканецот Доналд Трамп со 130 милиони долари, пренесува „Еј-би-си њуз“.

Харис објави дека од почетокот на кампањата до крајот на август собрала вкупно 404 милиони долари донации, што е за 109 милиони долари повеќе од Доналд Трамп.