Фенербахче и ПАОК доживеаја шокантни елиминации во квалификациите за Лигата на шампионите. Двата тима играа продолженија но не успеаја да ги минат Лил, односно Малме. Фенербахче и ПАОК продолжуваат во плеј-офот за пласман Лига Европа.
На првиот натпревар во Франција беше 2:1 за домаќините, а во реваншот се играa продолжениjaи Лил се пласираше во плеј-офот со гол од пенал во 118. минута, откако претходно Фенербахче избори продолженија со авто-гол во 91.минута.
Тимот на Жозе Мурињо на теренот долго се мачеше, но успеа да надомести во судиското надополнување. Со авто-голот на Диаките, Фенер го израмни резултатот и дојде до продолженија.
Tezeksaray’a attığımız gole benziyo umarım sonucu da aynı olur pic.twitter.com/GNUjDd5qSL
— yes context (@yescontextfb) August 13, 2024
Но во дополнителните 30 минути Фенербахче одигра без ризик, чекаше грешка на противникот, која не ја дочека. Не им помогна на домаќините и фактот што од 109 минута имаа играч повеќе на теренот, поради исклучувањето на дефанзивецот на Лил, Аиса Мунди.
Во еден од ретките напади на гостинскиот тим, во 115. минута Џонатан Дејвид шутираше, топката удри во раката на еден играч на Фенер. Интервенираше ВАР и беше досуден пенал кој Давид го претвори во гол.
Com este penalti de Jonathan David, o Lille está no playoff da Champions!!
Fenerbahçe lutou até ao fim, mas o jogo sorriu para os Franceses. pic.twitter.com/NdIPsz7Xty
— GoncaloDias17 (@goncalo_diass17) August 13, 2024
Во претпоследната минјта Фенер имаше шанса, но ударот на Тосун заврши во гредата.
Во плеј-офот за Лига Европа Фенербахче ќе игра против Ројал Унион, додека Лил за место во Лигата на шампионите за противник ќе ја има Славија Прага.
На стадионот „Тумба“ во Солун, ПАОК во драматична завршница испадна од Малме.
Спектакуларен натпревар одиграа ПАОК и Малме, откако првиот меч во Шведска заврши 2:2. Во Солун, по продолженијата победи Малме со 3:4.
ПАОК секунди го делеа од пласман во плеј-офот за Лигата на шампионите. Но во 96. минута Зетерстром постигна бизарен гол и избори продолженија за Малме.
Во продолженијата играчите на шведскиот шампион доминираа и успеаја да постигнат гол во 99.минута преку Кристијансен.
