Турскиот министер за одбрана Јасар Ѓулер денеска изјави дека Турција очекува од новиот генерален секретар на НАТО Марк Руте да покаже балансиран пристап меѓу земјите-членки на Алијансата, нагласувајќи дека НАТО мора да направи повеќе во борбата против тероризмот.

Ѓулер во интервју за Ројтерс рече дека членството во НАТО не ја спречува Турција да негува врски со Шангајската организација за соработка (ШСО), но дека приоритет е исполнувањето на нејзините одговорности кон Алијансата.

Турскиот министер истакна дека Анкара продолжува да купува авиони Ф-16 од САД, како што беше планирано.