Грција нема повеќе толеранција за лежалки и чадори кои туристите ги оставаат во текот на вечерта за да си резервираат место на плажа.

На туристичкото место Неа Флогита на Халкидики, „чистка“ се правеше со багери, додека сопствениците на опремата бурно реагираа против службата.

Лежалките и чадорите завршија на куп, кој подоцна беше однесен со камион.

На почетокот на годината, грчкиот премиер Киријакос Мицотакис вети дека ќе воведе ред на плажите, а беше донесен и закон против нелегално поставените лежалки и маси од страна на сопствениците на баровите.