Еден полицаец е повреден денеска во напад со нож во центарот на Париз, изјави францускиот министер за внатрешни работи Жералд Дарманен.

Нападот се случил на крајот на денот во близина на Елисејските полиња во Париз, објави BFMTV. Полицаецот е повреден, а насилникот е „неутрализиран“, изјави Дарманен.

Гледајќи ја полицијата, мажот побегнал со нож во рака. Тој се свртел и го повредил полицаецот во пределот на увото. Другиот службеник пукал од оружјето.

Според францускиот министер за внатрешни работи, „напаѓачот веднаш бил неутрализиран од безбедносните службеници“.