Украина би можела да престане да постои до 2034 година, кога наводно е закажан нејзиниот прием во НАТО, изјави заменик-претседателот на Советот за безбедност на Русија Дмитриј Медведев.

„Не е случајно што генералниот секретар на НАТО, Јенс Столтенберг отворено рече дека би било позитивно сценарио доколку Украина влезе во алијансата во 2034 година, бидејќи тоа значи дека никогаш нема да се приклучи на тоа“, рече тој во интервју за aif.ru, пренесува ТАСС.

Поранешниот руски претседател додаде дека ниту еден од актуелните лидери на НАТО, нема да остане на функцијата дотогаш.

„Сосема е можно Украина повеќе да не постои“, рече тој.