Општина Ѓорче Петров и волонтери од Црвениот крст во паркот во Ѓорче Петров спроведоа акција за делење флаширана вода за граѓаните, поради високите температури што ја зафатија земјата.

-Високите температури се опасни по здравјето на сите граѓани, особено на повозрасните. Наш мал придонес во борба со црвениот температурен аларм е акцијата која ја спроведовме со Црвениот крст за бесплатно делење шишиња со вода во паркот во Ѓорче Петров, информираше градоначалникот Александар Стојкоски, кој присуствуваше на терен со волонтерите.

Тој истакна дека волонтери на Црвениот крст и деновиве ќе се движат низ Ѓорче Петров со цел да им се понуди помош на граѓаните.

-Препораките од Владата се јасни, апелирам да се сфатат сериозно и да се почитуваат. Пијте многу течности, особено вода и излегувајте само по потреба, и не во часовите меѓу 11 и 17 часот. Ние како одговорна локална самоуправа и натаму ќе ја следиме состојбата со високите температури и ќе делуваме по потреба, додаде Стојкоски.