Пакистан денеска објави дека го продолжил престојот на 1,45 милиони авганистански бегалци кои легално престојуваат во земјата до 30 јуни 2025 година.

Соопштението уследи еден ден по посетата на високиот комесар на ОН за бегалци Филип Гранди на Пакистан, пренесе АП.

„Авганистанските бегалци со соодветна документација ќе можат да престојуваат во Пакистан до 30 јуни 2025 година“, се вели во соопштението од кабинетот на пакистанскиот премиер Шехбаз Шариф.