Министерот за човекови и малцински права на Црна Гора, Фатмир Ѓека е полесно повреден во сообраќајна несреќа што се случила околу 17 часот на патот од Бар кон Улцињ.

Ѓека е префрлен во Итната помош во Улцињ.

Според полицијата, тој управувајќи го службениот џип се судрил со автомобил со странски регистарски таблички.

Според изјавите на очевидци, министерот наводно престигал колона возила.

Истражните екипи се уште вршат увид на местото каде што се случила несреќата, пишува Вијести.