Администрацијата на Вашингтон го поддржува Киев во извршувањето на злосторствата, меѓу другото, во извршувањето напади врз цивили, изјави рускиот амбасадор во Вашингтон, Анатолиј Антонов, коментирајќи ги реакциите на американските власти за нападот со ракети „Атакамс“ врз цивили во Севастопол, пренесува Спутник.

„Администрацијата демонстративно ги поддржува злосторствата на режимот во Киев, застана на страната на меѓународниот тероризам, ги одобрува нацистичките напади врз цивили“, напиша амбасадорот на Телеграм.

„Нема оправдување за крвавите акти на вооружените сили на Украина“, додаде тој.

Антонов нагласи дека нападот бил намерно извршен на место каде имало голема концентрација на луѓе.

„Бандитите не се двоумеле да убиваат жени и деца на христијански празник кој сите го почитуваат. Обидите на Вашингтон да прикрие страшно злосторство против руските граѓани предизвикуваат гнев и огорченост. Американците нема да можат да застанат настрана и да избегнат одговорност за крвта и солзите на невините луѓе“, рече амбасадорот.

„Снабдувањето со американско оружје за нацистичките марионети, со овластување за напади врз цивили, само укажува на желбата на локалните власти да ја продолжат војната, без оглед на човечките жртви. На политичарите во Вашингтон им е јасно дека касетната муниција во ракетите „Атакамс“ не може да се истрела без учество на американски експерти и поддршка на американските разузнавачки служби“, нагласи дипломатот.

„Не е случајно што непријателските беспилотни летала кружат над Црното Море речиси секој ден“, објасни тој.