Вчера во 17.20 часот во СВР Куманово било пријавено дека на регионалниот пат Куманово – Липково, во село Оризаре, липковско, патничко возило „опел зафира“ со кумановски регистарски ознаки, управувано од 21-годишниот Р.А. од село Никуштак, општина Липково, излетало од коловозот, извести МВР.

„Во несреќата од здобиените повреди на местото починал сопатникот Р.А.(19) од с.Никуштак, а лекар од Здравствен дом Липково констатирал смрт“, соопшти МВР.

Возачот Р.А. се здобил со телесни повреди, констатирани во болницата во Куманово. Извршен бил увид од увидна екипа од СВР Куманово.