Турист од Бугарија бил пронајден мртов откако се изгубил во близина на планината Језерце на албанските Алпи, објави Еуроњуз Албанија.

По добиената порака од друг бугарски турист кој изгубил контакт со починатиот, започната е копнена и воздушна потрага. Во операцијата бил употребен хеликоптер на вооружените сили.

По неколкучасовна потрага пронајдено е телото на бугарскиот турист.

Националната агенција „Цивилна заштита“ ги повикува туристите да бидат внимателни и да ги следат упатствата на специјализираните водичи за неистражени и опасни подрачја.