Десничарската Партија на слободата, според првите проекции, победи на изборите за Европскиот парламент во Австрија, но со помалку гласови од очекуваното, објави националната телевизија ОРФ.

Партијата на слободата освои 25,5 отсто од гласовите, малку пред конзервативната Народна партија (ОВП) со 24,7 отсто и Социјалдемократите со 23,3 отсто, објави ОРФ.

Прогнозата заснована на анкета објавена претходно покажа дека Партијата на слободата има предност од 3,5 отсто пред ОВП.