Тренерот на Јувентус, Масимилијано Алегри пред крајот на денешниот тренинг го напуштил тренинг центарот на клубот, што предизвика големо внимание и полемики во италијанската јавност.

Тој излетал од „Континаса“ со своето „фиќо“, а снимката експресно се појави на социјалните мрежи.

Многумина сметаат дека неговото заминување од Јувентус е веќе завршена работа, а ова видео само го потврдува тоа.

„Старата дама“ во средата го освои Купот на Италија, со минималната победа над Аталанта. Стрелец на единствениот гол на мечот беше Душан Влаховиќ.

Инаку, Алегри во финишот на натпреарот изведе перформанс кога го фрли палтото и вратоврската, за мелку ќе ја искинеше и кошулата поради што доби црвен картон, а по натпреварот имаше вербална пресметка со локалните новинари, кои со месеци го критикуваа.

Сепак, и покрај овој освоен трофеј, никој не е убеден дека Алегри наредната сезона ќе го предводи Јувентус.