Миљана Кецмановиќ (46), мајката на момчето убиец кое на 3 мај минатата година уби девет ученици и обезбедување во ОУ „Владислав Рибникар“, денеска за прв пат по злосторството во Високиот суд во Белград.

Според „Блиц“, Миљана Кецмановиќ на почетокот на излагањето на одбраната ја негирала вината за делата за кои била обвинета.

Како што понатаму сец наведува во написите, таа изјавила и дека нема да одговара на прашањата на адвокатот, и дека ќе дава одговори само на прашањата на оштетените. Досега прашањата ги поставуваа Обвинителството и одбраната на обвинетиот.

За време на паузата родителите на убиените деца ги запишале своите прашања на хартија.

Мајката на момчето убиец денеска пристигнала во судницата во придружба на своите адвокати, а на судењето присутни се и родителите на убиените деца.

Во првиот дел од судењето татковците на Ангелина Аќимовиќ, Андријана Дукиќ и Мара Анѓелковиќ од непозната причина ја напуштија судницата, а на паузата сите ја напуштија судницата освен Миљана Кечмановиќ, пренесува медиумот.

Според обвинителството, мајката на момчето убиец е обвинета за кривични дела – недозволено изработување, држење, носење и тргување со оружје и експлозивни материи.

За Миљана Кецмановиќ обвинителството предложи затворска казна од 2 години и 6 месеци.