Поранешниот голгетер, Марио Гомез гостуваше во подкастот „Фразенмахер“ и зборуваше за својот живот и искуствата во неговата богата кариера, особено за неговиот соиграч во Баерн, голманот Мануел Ноер.

„За мене Ноер е на исто ниво со Меси! Не знам дали сите сфаќаме дека живееме со голман кој направи револуција во играта. Тоа ќе го разбереме дури по 20 години. На целиот свет му покажа дека ногата е важна колку и раката.“

Гомез кариера ја започна во Штутгарт, а кога во 2009 година беше прогласен за фудбалер на годината, премина во Баерн за рекордна сума од 30.500.000 евра. Тоа енормно им се исплатеше на Баварците, имаше импресивен улинок, на 174 натпревари постигна 113 голови и забележа 26 асистенции.

Потоа по четири сезони се пресели во Фиорентина, па во Бешикташ и Волфсбург за да ја заврши професионалната кариера во својот матичен клуб.

Гомез одигра 78 натпревари за Германија, постигна 31 гол.