Главната опозициска јужнокорејска Демократска партија (ДП) победи на парламентарните избори вчера, освојувајќи 161 место, додека владејачката Партија на народна моќ (ППП) на јужнокорејскиот претседател Јун Сук-Јол освои 90 места во собранието со 300 места, соопшти утринава Јонхап агенција.

Реформистичката партија на Кореја, предводена од поранешниот јужнокорејски министер за правда Чо Кук, која се смета за дел од опозицискиот блок, освои 12 места, додека Новата реформска партија, предводена од соборениот поранешен лидер на ЈПП, Ли Јун-сеок, освои две места.

Овие избори забележаа најголема излезност во последните 32 години, бидејќи на гласање излегле 67 отсто од вкупно 44,28 милиони гласачи, објави Изборната комисија.

По објавувањето на официјалните резултати, лидерот на ЈПП Хан Донг-хун поднесе оставка, со што ја презема одговорноста за изборниот пораз.