Денеска во 14 часот во СВР Тетово пријавено е дека на локалниот пат што ги поврзува тетовските села Стримница и Челопек, патничко моторно возило „смарт“ со тетовски регистарски ознаки управувано од малолетник од Челопек излетало од коловоз, извести МВР.

„Во несреќата, сопатникот во возилото, исто така, малолетник од Стримница се здобил со тешки телесни повреди констатирани во тетовската Клиничка болница, а за укажување лекарска помош во болницата бил пренесен и возачот“, соопшти МВР.

На местото на несреќата увид извршила екипа од Секторот за внатрешни работи Тетово.