Човекот кој во понеделникот вечерта украл торба од вработен во градското собрание на Париз, во која, како што пишуваа француските медиуми, имало безбедносни планови за обезбедување на Олимпијадата во Париз, е осуден на седум месеци затвор, објавија локалните правосудни извори.

Во воз на железничката станица во Париз, Гаре ду Норд, беше украдена торба со компјутер и два УСБ, која му припаѓалала на инженер вработен во париското градско собрание – 56-годишен маж кој ја ставил во багажниот простор над седиштето на возот.

Крадецот е маж роден 2001 година, а пред судот во француската престолнина се појави во петокот.

Кражбата предизвика загриженост откако полициски извор откри што имало внатре во чантата.

Но, париското обвинителство подоцна објави дека УСБ-то „содржел само информации за јавниот превоз во Париз за време на Олимписките игри, а не чувствителни безбедносни информации“, како што првично беше објавено.

Осомничениот и е од претходно познат на полицијата за кражби во јавен превоз.

Градскиот функционер ќе биде сослушан и затоа што треба да се утврди дали со носењето на УСБ-то ги прекршил правилата за внатрешна безбедност, се вели во соопштението за печатот од градското собрание на Париз.

За време на Олимписките игри во периодот од 26 јули до 11 август секојдневно ќе дежураат околу 35.000 лица од обезбедувањето, меѓу кои и две илјади агенти.