Папата Франциско  беше префрлен во болницата Џемели на лекарски преглед, по општа аудиенција на која се пожали дека се уште има настинка, соопштија извори.

Папата (87) се пожали дека се чувствува лошо за време на генералната аудиенција во Ватикан, пренесе АНСА.

Тој за време на аудиенцијата рече дека се уште не закрепнал од грипот поради кој последните денови ги намалил активностите и дека „сè уште има малку настинка“.

Асистентот на папата, Филипо Шампанели, го читаше катехизмот за време на аудиенцијата, како и во други прилики кога папата не се чувствуваше добро.