Луѓето бегале од базен кога елен налетал на рекреативен центар во Онтарио. Сведокот Франческо Сиино снимил видео од исплашеното животно како трча околу базенот во културно-рекреативниот комплекс Волмер во ЛаСал, пренесува Upi.com.

„Моето дете беше на часови по пливање и само што заврши. Бевме во соблекувалните и еден родител побрза и рече: ‘Нема да верувате! Има елен во базенот!’ Мислев дека нема шанси“, изјави Сиино за CTV News.

На видеото се гледа како еленот нурка во водата во рекреативниот центар.

„Само ми текна дека морам да го снимам ова бидејќи никој нема да ми верува. Да ви кажам дека провалил елен, нема шанси да ми верувате“, рече Сиино.

Локалните власти соопштија дека еленот пробил прозорец и бил лекуван и вратен во дивината од персоналот. Базенот ќе биде привремено затворен додека работниците не се уверат дека нема опасност од скршено стакло.