Се чини дека се е готово – Килијан Мбапе дефинитивно ќе го напушти Пари Сен Жермен (ПСЖ) на крајот од актуелната сезона.

Како што објавија сите угледни светски медиуми, меѓу кои и познатиот инсајдер Фабрицио Романо, Мбапе го известил сопственикот на „светците“, Насер Ал Келаифи дека на крајот од сезоната ќе го напушти „градот на светлината“.

Неговиот договор со ПСЖ истекува на крајот од сезонаѕа, па тој веќе има право да преговара и потпише со кој било друг клуб.

Со месеци се пишува дека тоа ќе биде Реал Мадрид, наводно работата била завршена, а финансиските услови допрва треба да се финализираат.

Мбапе постигна гол во првиот натпревар од осминафиналето на Лигата на шампионите против Реал Сосиедад во вторникот вечерта.

ПСЖ поведе со 2:0 пред реваншот во Баскија за три недели.