Хрватската полиција вчера рано изутрина добила дојава дека 82-годишна жена била пронајдена мртва во стан во месноста Булевар во Задар со повреди кои укажуваат на насилна смрт.

Во станот е пронајдено и американско куче Стафордшир, сопственост на член на семејството, а како што пишува Задарски.хр, станува збор за животното на внукот на починатата старица, пренесува Јутарњи лист.

На местото на настанот полициски службеници извршиле увид додека за кучето се грижела надлежната ветеринарна служба.

Врз основа на наредба на државното обвинителство, на Одделението за патологија е извршена обдукција на телото на женско лице, при што е утврдено дека таа починала како последица од каснување од куче.