Познатиот чилеански фудбалер Артуро Видал (36) се врати во клубот во кој ја започна кариерата, Коло-Коло.

Видал во Коло-Коло, во 2005 година ја започна својата професионална кариера која го однесе во Баер Леверкузен, Јувентус, Баерн, Барселона, Интер, Фламенго и Атлетико Паранаенсе.

Тој имаше четиримесечен договор со Паранаенсе, а кога му истече тој договор се врати во својот клуб.

Видал четири пати беше шампион на Италија со Јувентус, еднаш со Интер, со Баерн беше шампион на Германија, а со Барселона шампион на Шпанија.

За репрезентацијата на Чиле одигра 134 натпревари и постигна 34 гола и два пати ја освои Копа Америка.