Се подготвуваат одреди да и се спротивстават на Белорусија, како и во Литванија и другите балтички земји, затоа е важно да се внимава на заштитата на границите, изјави претседателот на Белорусија, Александар Лукашенко, пренесува агенцијата „Белта“.

„Денешната одлука за заштита на државната граница е од особена важност бидејќи се наоѓаме во специфична ситуација: на југ има војна, на запад се Полска, Литванија, балтичките држави и е уште полошо. Нагласувам: уште полошо! Таму се подготвуваат одреди, назначени се команданти“, рече тој.

Изјавата е дадена во времето кога се утврдуваше одлуката за заштита на државната граница во 2024 година. Според него, во Минск познаваат „борци на тие одреди“ кои се подготвени да се борат против сопствената земја.

„Како што секогаш им велам на војниците, а особено на министерот за одбрана, ништо не смееме да пропуштиме и не смееме да дозволиме никаков случаен развој на настаните на нашата граница“, заклучи Лукашенко.