Дете (12) додека се санкало излегло од патеката и се излизгало во грмушките, при што гранка му го прободела стомакот. Несреќата се случила во петокот. Според противпожарната служба, тој се здобил со „повреда поради набивање на гранка“ и бил пренесен во болница.

Спасувачите во петокот околу 17:15 часот биле повикани во шумата во замокот Харденберг, пренесува германски „Билд“.

– Во шумска површина над теренот за мини голф, 12-годишно момче излетало од патеката додека се санкало и завршило на косината меѓу грмушките – извести портпаролот на противпожарната служба.

– Се здобил со повреда од набивање на гранка со дебелина од приближно 8 см. Гранката очигледно пробила низ препоните и во стомакот на момчето – рекол тој.

На момчето му била укажана лекарска помош. Спасувачите го донеле момчето на паркингот на замокот, каде во меѓувреме слетал спасувачкиот хеликоптер.

Момчето во придружба на неговиот татко било пренесено во болница во Келн на понатамошно лекување.