Кинескиот министер за надворешни работи Ванг Ји рече дека војната во Газа продолжува да ескалира и Кина повикува на поголема, поавторитативна и поефективна меѓународна мировна конференција и конкретен распоред за спроведување на решението со две држави.

Ова го изјави Ванг за новинарите по разговорите со египетскиот министер за надворешни работи Самех Шукри во Каиро, при што ги изложи своите ставови за војната меѓу Израел и Хамас, се вели во соопштението на кинеското Министерство за надворешни работи доцна синоќа.

Одделно, Ванг разговараше и со генералниот секретар на Лигата на арапските држави, каде што двете страни имаа детална размена на мислења за конфликтот, при што се договорија за неколку точки кои ќе помогнат во решавањето на кризата.