Готвач од Словачка е осомничен за убиство на својата девојка келнерка и се соочува со доживотна казна затвор.

Полицијата ги пронашла останките на 48-годишната жртва Патриција во станот во Братислава во кој живеела со готвачот Јозеф Хануска (47).

Во станот била пронајдена и кофа со нејзините црева, срце и други органи, за која властите се сомневаат дека ги исекол разлутениот готвач. Соседите велат дека двојката често гласно се карала, а еден ден кажале дека го слушнале Хануска како се заканува дека ќе и ја „скине главата“, пишува „Дејли Мејл“.

Полицијата пристигнала на местото на настанот откако готвачот му испратил порака на својот братучед дека ќе се самоубие. Но, тој не го направил тоа, туку побегнал. Тој беше уапсен, откако полицајците го пронајдоа како се крие во подрумот. Во саботата властите го обвинија за убиството на Патриција.

„Благодарение на ригорозна оперативна истрага, истражителите од Братислава приведоа лице за кое постои основано сомнение дека го сторил споменатото кривично дело. Најверојатно се работи за партнерот на убиената“, соопшти полицијата по апсењето.

Локалните медиуми подоцна дознаа дека таткото на Хануска бил погубен за убиство на две жени. Познат како „Давителот“ од Братислава, Штефан Пантл беше уапсен во 1979 година откако убил две жени кои ги запознал на забава.

Ги однел жените во својот стан и се обидел да има сексуални односи со нив. Кога го одбиле, едната ја задавил со појас, а другата ја силувал и ја задушил.