Францускиот министер за здравство Орелиен Русо потврди дека поднел оставка од таа функција, а денеска не присуствуваше на состанокот на Советот на министри на Франција.

Како што пренесува „Фигаро“, Русо се одлучил на тој потег во знак на протест што Франција го усвои контроверзниот закон за миграција, со што воведе поостри мерки против мигрантите, вклучително и намалување на социјалните бенефиции.

Острите мерки против мигрантите предизвикаа незадоволство и кај некои левичарски пратеници од Преродбата, партијата на францускиот претседател Емануел Макрон.