Француската Лига 1 ја објави листата на најбрзи фудбалери во досегашниот тек од сезоната. Интересно, Килијан Мбапе, ѕвездата на ПСЖ не е меѓу десетте најбрзи.
Рекордер е Муса Тамари од Монпелје. Неговата максимална измерена брина била 36,31 километри на час. Тамари, 26-годишниот Јорданец, летово пристигна во Монпелје како слободен играч од Левен. На првите 10 натпревари постигна три гола и забележа две асистенции.
Над 36 км/ч трчаа и Енди Пелмард од Клермон и Џонатан Клаус од Марсеј.
Мбапе, во претходните сезони имаше забележана брзина над 36 километри на час, а рекордер во Лигата на шампионите е Михајло Мудрик од Челзи со 36,63 км/ч.
Највисока брзина оваа сезона во Лига 1:
1. Муса Тамари (Монпелје): 36,31 км/ч
2. Енди Пелмард (Клермон): 36,14 км/ч
3. Џонатан Клаус (Марсеј): 36,11 км/ч
4. Мозес Симон (Нант): 35,97 км/ч
— Фоларин Балогун (Монако): 35,97 км/ч
— Пјер-Емерик Обамејанг (Марсеј): 35,97 км/ч
7. Џоел Мвука (Лориен): 35,96 км/ч
8 Абдул Кадер Бамба (Нант): 35,95 км/ч
9. Кени Лала (Брест): 35,94 км/ч
10. Ашраф Хакими (ПСЖ) : 35,90 км/ч
— Емануел Емега (Стразбур): 35,90 км/ч
