Договорот меѓу Хамас и Израел наиде на реакција и од Обединетото Кралство, чиј министер за надворешни работи го опиша како „клучен чекор“ и ги повика сите страни целосно да го спроведат договорот:

„Оваа пауза дава важна можност да се осигураме дека многу поголеми количини храна, гориво и друга помош за спасување може трајно да стигнат во Газа“, рече Камерон.

„Веќе ја удвоивме нашата посветеност на помошта за Палестинците оваа година и тесно ќе соработуваме со ОН за да обезбедиме таа да стигне до оние на кои им е потребна“, додаде тој.

Тој рече дека Обединетото Кралство ќе продолжи да работи на „долгорочно политичко решение што ќе им овозможи на Израелците и Палестинците да живеат во мир“, додавајќи, „се разбира дека сакаме да видиме веднаш ослободени сите заложници и дека семејствата погодени од ужасите на терористичкиот напад од 7 октомври да се обединат повторно обединети“.