Турските спасувачи го пронајдоа телото на еден член на екипажот на товарен брод кој потона крај турскиот брег во Црното Море поради силна бура, соопштија официјални лица. Останатите 11 членови на екипажот се пријавени за исчезнати.
Бродот „Кафкаметлер“ под турско знаме потона вчера во близина на пристаништето во градот Ерегли.
Министерот за транспорт и инфраструктура Абдулкадир Уралоглу изјави дека бродот се движел кон западното турско пристаниште Измир.
A cargo ship splits in half during heavy storms off the coast of Turkey.#cargoship #StormyShipwreck #TurkeySeascape #ShipwreckDrama #WeatherDisaster #TurkishCoastline #CargoShipCrash #ShipSplit #turkish #turkeyshipwreck pic.twitter.com/oAWdn0bZ2H
— The Truth International (@ttimagazine) November 20, 2023
Акцијата за пребарување и спасување беше одложена неколку часа поради лошите временски услови.
Уралоглу рече дека кога времето се смирило, спасувачите го пронашле телото на готвачот на бродот.
Turkish Interior Minister Ali Yerlikaya: a Turkish cargo ship with 12 crew onboard sank off #Turkey‘s #BlackSea coast during a storm on Sunday and authorities have been unable to make contact with the crew. pic.twitter.com/NAwFad80tF
— Karina Karapetyan (@KarinaKarapety8) November 20, 2023
Силно невреме го погоди северозападниот дел на Турција предизвикувајќи прекини и големи штети.
Друг товарен брод се скрши на половина поради тешките временски услови откако се насука кај Ерегли, соопшти Генералниот директорат за поморски работи, а сите 13 членови на екипажот беа спасени.
Поради поплавите евакуиран е и еден затвор во тој град, а четири лица загинаа во различни инциденти предизвикани од невремето.
