Новак Ѓоковиќ по осми пат во кариерата го доби пехарот наменет за играчот кој годината ја завршува на првото место на АТП листата.

Српскиот тенисер прослави со познатата песна „Гвантанамера“, а со него танцуваше цел тим.

Пред да му биде доделена наградата, тој танцуваше во соблекувалната со тимот, а потоа тоа го направи низ целиот тунел, пред да излезе по трофејот.

Нему му беше потребна само една победа за да го обезбеди овој трофеј и релативно лесно стигна до него.

Новак се јави во живо на Инстаграм, а потоа, непосредно пред да излезе на теренот, ги поздрави фановите.