Наследниците на Диего Армандо Марадона, кој почина пред три години, го добија судскиот спор за употребата на името на фудбалерот пред Европскиот суд, кој пресуди дека аргентинската компанија „Сатвика“, која е во сопственост на неговиот поранешен адвокат, нема право да ја користи трговската марка.

Во 2008 година, Марадона го осигура заштитениот знак на негово име за облека, обувки, угостителство и ИТ услуги во Европската унија.

По неговата смрт во 2020 година, компанијата „Сатвика“ побарала пренос на трговската марка на компанијата од Канцеларијата за интелектуална сопственост на Европската унија врз основа на документацијата од 2015 година, во која Марадона лично ја одобрил комерцијалната употреба на трговската марка на компанијата, а истата приложи и документ без датум.

Наследниците на Марадона најпрво побараа бришење на преносот на правата од овој запис.

Минатата година, Агенцијата за патенти на Европската унија во својата одлука во овој спор, изјави дека „Сатвика“ не доставила документи со кои се потврдува преносот на трговската марка на компанијата.

„Сатвика“ потоа го предаде случајот до Општиот суд во Луксембург, вториот највисок во Европа.

„Документите изготвени од компанијата формално не го оправдуваат преносот на трговската марка во нејзина полза според договорот потпишан меѓу двете страни. Понатаму, бидејќи Марадона почина пред да го поднесе барањето за регистрација на трансферот, „Сатвика“ не можеше да ги исправи утврдените неправилности. А таа не можеше ниту да приложи други документи“, се наведува во одлуката на судот.

„Сатвика“ има можност да ја обжали оваа одлука до највисоката судска инстанца, Судот на правдата на Европската унија.